Gemuh Bali -Patut kawikanin sareng sami, sang maraga sulinggih ring agama Hindu ring Bali kaiket antuk sesana sajeroning kahuripane. Wenten catur paiketan sane patut pageh-pagehen keamongin olih sang sulinggih sane kebawos “Catur Bandana Dharma”, inggih punika :
1. Amari Sesana, teges ipun, sang maraga sulinggih patut ngentosin sesana miwah swadharmaning walaka antuk sesana miwah swadharmaning kasulinggihan (Siva Sesana, Wrti Sesana, Rsi Sesana). Nenten patut malih sang sampun madiksa ngambil pakaryan sang walaka, mekadi “adual-atuku” utawi jual-beli, miwah saluwiring sesana sane kemargyang olih sang durung madwijati. Yan durung andel ngamong sesana janten ngawinang kawon.
2. Amari Wesa, teges ipun ngentosin ceciren pengadegan mekadi nenten malih dados macukur, yening medal setata makta tateken, miwah sane sewosan.
3. Amari Aran, teges ipun magentos biseka utawi pesengan sang sampun madwijati, nenten malih nganggen pesengan sane walaka, nanging sampun kagentosin antukpanugrahan biseka utawi paica Nabe inggih punika : Walakalanang …………………………………………. abiseka nama …………………………………., Walaka Istri abiseka nama ………………………….. Ida Pedanda Istri ………………………….
4. Umulahaken dharma mwang kaguru susrusan, teges ipun stata ngelaksanayang ajaran agama (satyam, sivam, sundaram), pageh tur tegep ring separititah Nabe. Tan pisan patut pacang nungkasin Nabe.
Punika awinan sadurung resmi dados wiku patut katureksanin rihin olih Calon Nabe. Dwaning abot pisan pacang ngamong sesana punika, pinunas tityang ring pasemetonan utawi sisya, masyarakat mangdane sareng ngeremba sang pedanda anyar mangdene prasida stata ngamong kasucian miwah sesana. Dwaning yan parilaksana wikune kapungkur simpang ring sesana, boya wantah pacang nyepungin linggih nabe miwah anggan idane, nanging teler pacang ngawinan penilaian nenten becik ring agama Hindu druwene ring Bali.
Tidak ada komentar:
Posting Komentar